Leichtathletik-Nachwuchswettkämpfe
vom 8. Mai 2004 in Belp

Gluftet het's! U chaut gsi isches o! Aber wenigschtens het's nid grägnet. U so hei sech 42 Ching u 7 Leiter warm agleit u si mit ihrne Drahtesle vom Schuelhus Toffe uf Bäup gfahre. Da derbi het üs der Rüggewind sogar no chli ungerstützt.
Wo mer acho si, hei mer üs amene Schärmeplätzli igrichtetet - me cha nie wüsse, vilech chunnts ja de glich no cho rägne. Nächär isch me ga iloufe, dass d Müskeli schön warm übercho hei u d Katja het d Ching i Gruppene iteilt, wo de zäme mit eme Leiter der Wettkampf si ga absolviere.
Sprint, Wyt- oder Hochsprung, Ballwytwurf oder Chuglestosse, das si d Diszipline vo däm Drükampf gsi. D Ching hei sech gägesitig agfüret u d Leiter u d Eltere wo si cho luege hei chräftig mitgfieberet.
Nachem Wettkampf hei mer öppis gässe u trunke zum wider zu Chräft cho, schliesslech isch der Wettkampf no nid ganz fertig gsi. Am vieri isches pünktlech witer gange mit der Pendelstafette, wo mir grad mit vier Mannschafte si gstartet.
Nach der Stafette si no d Final-Löif im Sprint ar reihe gsi. Für die hei sech sogar vier vo Toffe chönne qualifiziere.
Wo d Rangverkündigung agfange het, isch es du doch no chli cho rägne, aber das het niemer gstört. D Spannig isch gross gsi.
U so hets us Toffener Sicht usgseh. Ufglischtet si aui, wo sech e Uszeichnig erkämpft hei:

M13:

K15:

6. Portmann Noémie

3. Bruttel Philipp

M12:

K14:

10. Meyer Melanie

2. Krebs Christian

M11:

K13:

9. Schmied Selina

5. Josi Nadir

M10:

 

2. Anderegg Daniela

 

M9:

Final 50m Mädchen:

6. Spack Nadine
11. Müller Aline

2. Spack Nadine

M8:

Pendelstafette Knaben / Gemischt

4. Ryf Flavia

2. Sporteens Toffen 1

Aune Gwinnerinne u Gwinner härzlechi Gratulation!!!

Daniel Kilchhofer

 

Fotos>