Trainingsweekend
vom 21. / 22. Oktober 2000 in Toffen

35 Ching i üsere chliine Turnhauä, da stosse mir schier ad Gränze vor Kapazität. Aber dür gschickti Gruppe-Iteilig isches glich gangä.
Am Samschtig am Morge heimer üs am Grätturne gwidmet u so hei aui d' Müglechkeit gha, sech mit de verschiedene Grät vertrout z' machä. Am Mittag hei aui zäme Zmittag gässe bis mer satt si gsi. Am Namittag hei du die einte no witer a de Grät turnet u die angere hei sech ar Liechtathletik zuegwändet. Während d' Teenies hei Znacht gässe, hei d' Kids no dörfä spielä u nachär hei ga. De si du ou d' Teenies no zum spielä cho.
Am Sunntig isch ds Houptthema der Run and Fun Kids Cup, wo in Zollikofen statt findet, gsi. Mir hei aui Diszipline güebt u chöi zueversichtlech a dä Wettkampf ga. Wieder hei mer zäme Zmittag gässe, es het Hot Dogs gä.
Wo das Weekend isch fertig gsi, hei mer de Euterä no e chlini Vorfüehrig zeigt, wo mer hei igschtudiert. Mir si fasch chli erchlüpft, dass so viu Zueschouer si cho.
Merci viu mau aune, wo Gebäck hei bracht; mir si regurächt überhüüft worde.

Daniel Kilchhofer